ເນື້ອຮ້ອງ ແລະ ທຳນອງໂດຍ: ສໍ ແສງສິຣິວັນ
ຮ້ອງໂດຍ: ສົມຟອງ
ກຸຫຼາບດອກນີ້ ຊ່າງງາມດີນ້ອງນີ້ຂໍມອບໃຫ້
ເພື່ອເປັນຂວັນໃຈ ແກ່ຍອດຊາຍທີ່ປາຖະໜາ
ກຸຫຼາບກິ່ນຫອມ ນ້ອງຖະໜອມຢູ່ທຸກວັນເວລາ
ແຕ່ເພື່ອອ້າຍດອກໜາ ນ້ອງຈື່ງເດັດມາມອບໃຫ້ແທນກາຍ
ກຸຫຼາບດອກນີ້ ປຽບຊີວີນ້ອງຖອດແຝງສະຖິດ
ເມື່ອໃດໝອງຈິດ ໂປດຢ່າຄິດຢຽບຢ່ຳທຳລາຍ
ຂໍຈົ່ງຮັກສາ ແມ່ນບຸບຜາຈະຊ້ຳສີແຫ້ງໃບ
ແຕ່ອ້າຍຢ່າປ່ຽນໃຈ ຢ່າຄິດແໜງໜ່າຍຊັງເຈົ້າຂອງກຸຫຼາບ
ບຸບຜາປ່ຽນໄປ ປຽບຮ່າງກາຍຂອງຄົນເຮົານີ້
ໜຸ່ມແໜ້ນຕຶງດີ ເຖົ້າແກ່ເສຍສີປ່ຽນແປງຕາມສະພາບ
ເວັ້ນແຕ່ຫົວໃຈ ມີປ່ຽນໄປເໝືອນດັ່ງກຸຫຼາບ
ຍິ່ງນານຮັກຊຶມຊາບ ຊວງໃນ ຖ້າມີໃຜຮັກຈິງ
ກຸຫຼາບດອກດຽວ ປຽບຮັກດຽວນ້ອງຝາກຝັງຕໍ່ອ້າຍ
ບໍ່ມີສອງໃຈ ຝາກກັນໄວ້ ດ້ວຍກຽດຂອງຍິງ
ຂໍແຕ່ຕົວອ້າຍ ນັ້ນຢ່າໝາຍພຽງຫວັງຊົມແນບອີງ
ຈົ່ງຮັກຈາກໃຈຈິງ ແລ້ວທຸກສິ່ງຈະເປັນຂອງອ້າຍເລີຍ
ແຕ່ອ້າຍຢ່າປ່ຽນໃຈ ຢ່າຄິດແໜງໜ່າຍຊັງເຈົ້າຂອງກຸຫຼາບ
ບຸບຜາປ່ຽນໄປ ປຽບຮ່າງກາຍຂອງຄົນເຮົານີ້
ໜຸ່ມແໜ້ນຕຶງດີ ເຖົ້າແກ່ເສຍສີປ່ຽນແປງຕາມສະພາບ
ເວັ້ນແຕ່ຫົວໃຈ ມີປ່ຽນໄປເໝືອນດັ່ງກຸຫຼາບ
ຍິ່ງນານຮັກຊຶມຊາບ ຊວງໃນ ຖ້າມີໃຜຮັກຈິງ
ກຸຫຼາບດອກດຽວ ປຽບຮັກດຽວນ້ອງຝາກຝັງຕໍ່ອ້າຍ
ບໍ່ມີສອງໃຈ ຝາກກັນໄວ້ ດ້ວຍກຽດຂອງຍິງ
ຂໍແຕ່ຕົວອ້າຍ ນັ້ນຢ່າໝາຍພຽງຫວັງຊົມແນບອີງ
ຈົ່ງຮັກຈາກໃຈຈິງ ແລ້ວທຸກສິ່ງຈະເປັນຂອງອ້າຍເລີຍ
ທ່ານສາມາດກົດໄປທີ່ ຊື່ເພງ ເພື່ອຮັບຟັງເພງນີ້ໄດ້.
ຂໍອະໄພຫາກເນື້ອຮ້ອງ ແລະ ຊື່ນັກຮ້ອງບໍ່ກົງກັບເພງ ເພາະທາງເຮົາຄັດມາຈາກປື້ມເພງຕົ້ນສະບັບ
