ເນື້ອຮ້ອງ ແລະ ທຳນອງໂດຍ: ສຸຣິວັດ ຣັດຕະນະສະຫວັນ
ຮ້ອງໂດຍ: ຄຳເຕີມ ຊານຸບາ
ແດນດິນຖິ່ນໄກ ເຫຼືອຕາ
ຢູ່ສຸດນະພາ ຍັງມີດອກຟ້າແສນງາມ
ຫາກໃຜໄດ້ເຫັນຈະມົວຫຼົງ ເຝົ້າຝັນພະວົງຫຼົງຕິດຕາມ
ສາວເອີຍສາວງາມ ງາມເຫຼືອໃຈ
ງາມຈິງດັ່ງຄຳ ເຂົາຊົມ
ຫາກໄດ້ສຸກສົມ ຊື່ນຊົມກັບນ້ອງສົມໃຈ
ອ້າຍຂໍໄຝ່ຝັນແຕ່ນາງດຽວ ບໍ່ຂໍຂ້ອງກ່ຽວຍິງອື່ນໃດ
ເຝົ້າແຕ່ຫຼົງໄຫຼ ໄຝ່ຝັນໃຈປອງ
ໂອ.....ກຸຫຼາບ ສະຫວັນ
ແຫ່ງເມືອງປາກຊັນ ທີ່ອ້າຍໄຝ່ຝັນໝາຍປອງ
ໃຈ...ຫວັງຢູ່ຄຽງປະຄອງ ກຸຫຼາບເປັນສີດັ່ງທອງ
ເມື່ອຍາມແສງສ່ອງ ຈາກດວງສຸລີ
ຍາມແລງຄ່ຳລົງ ນ້ຳຊັນ
ໂອບໍລິຄັນ ນ້ຳຊັນໄຫຼຜ່ານໃສດີ
ແລເຫັນໝູ່ສາວເຈົ້າລ່ອງລອຍ ໝູ່ປາໃຫຍ່ນ້ອຍລອຍຫຼີ້ນຄີ
ສີ້ນແສງສຸລີ ອາບສີແສງຈັນ
ທ່ານສາມາດກົດທີ່ ຊື່ເພງ ເພື່ອຮັບຟັງເພງນີ້ໄດ້
ຂໍອະໄພຫາກເນື້ອຮ້ອງ ແລະ ຊື່ນັກຮ້ອງ ບໍ່ກົງກັບເພງ ເພາະທາງເຮົາຄັດມາຈາກປື້ມເພງຕົ້ນສະບັບ
ไม่มีความคิดเห็น:
แสดงความคิดเห็น